Make your own free website on Tripod.com

Esingarenitok Federalism ko Uganda

Lukangai bo isio

Esingarenitok nuka  Federalism na imoriarit itunga kere ko Uganda nes erionget lo aiswec aomisio (Think Tank). Erai apeleikinet kec aisingaren ka ajiun aomisio nu itetiak nu ingarakinet itunga luko Uganda aitolomun aseuneta nu alosikineta nu epol aijen. Elosikit aingic kosi aikeun adoketait na epeget kotoma akiro nu  ejai apolou nejaasi itunga luko Uganda kopone lo aitebeikit aseuneta nu epol adumunet nu ebeit kesi aitolomun kanu  aitopol ejautene lo akerianut, aijanakin ateker ka eipugae lo esipo.

Kotoma oipugae loka Efedero kija kanu itunga kere abolobol kotoma oipugae. Kiyunit ebe abolobol einakini apolo eraun na irenget eipud, anyoun okwap - kuju aibois na okuju - kwap ido na eremit aipuesi naka iboro. Kibala isio ebe itidisiari Efedero jokan noi aicaninicanio na iboro lu akerianut lu da ikidioko noi kotoma akwap wok, naarai einakini iporotoi luka itunga epupokinio, ido isipedori kesi aitosom apedorosio kec nu abolobol kotoma aitutub akiro nu ikamunitosi kesi ikulepek.

Kanukangun, italaikitai Efedero kwape ibore yen eburokini eipugae lo aronon kokau naka akwap wok ido kwape ajenunet nakos ko Uganda.

 Ainingoret

Iningoritai eyunak luka eipugae loka Efedero ko Uganda aitodun ajenanut na esiswamae k’adumuneta ke nejaasi itunga luko Uganda. Icie ingisitosi ebe, kanu inyo ber Federalism? Adiopet kotoma akiro nu ipudare nes erai naarai:

 "Amen kiding arucokit iwaitin nepepe"

 Kitijikarit isio ebe kanu atereikin kede atiokisio nu eipugae wok loka nginipaaran kotoma adoketa nu apugan na  okwap naarai ipu oni atiokisio nu akacit akuwan ebe atamit ayaite ngin ibore kere kotoma akwap wok.  Erai na arereng nakos kanu aijulakin eipugae wok. Kokuju kangun, kibala isio ebe aibois aisoswaikit ebe  kimorikikina oni, ibusakinit oni ainerun kasodete arereonor nepepe nuka aimorikina.

Kiner oni nu aijulanakineta kotoma oriongeta, kwapenat adieketa, polis ka prisons, kimuno adukun einono lo erimaritere eipugae loka ikisila - eipugae kotoma okisila lo einakini itunga lu enonok epoget ido adieketa nejaasi lu emamei agogong. Kijeni kodoco ebe ejokiaros alosikineta nu aijesakin itunga aijanakineta kwape isiekunotor aijanakineta ngun toma otunga adepar ne lem sek.

Aswamisio kosi

Aigic k’aijanakineta nuka consultancy

Atenu kosi nakos kotoma aingic nes arai aingic ainingonoreta kotoma apugan na kwapekwana esipo ko Uganda kotoma alosikineta ke nu aijesakin itunga asekun abolobol kotoma akerianut k’apolo naka ateker luda agongakina toma aswam ejok na irioingeta lu eipugae k’abobolobol na elal kotoma oipugae. Aswamisinei kosi imoriaritosai akiro nukos nu  alosikineta apugan nu esiposi, nu elukunitosi aingiset na ebala:

"Opone ali ti ijulakinia oni eipugae wok araun lo ekapakina aitolom aseuneta nu ibecokino kirereo ejautene lo erono lo ejaasi itunga luko Uganda lu ipu kotoma akerianut ka aijanakin ateker?"

Esingarenitok Federalism kesi da bobo adautu aitolot aisup ka airam itunga kanu aikeun aijen kotoma ateker, kimoriaritosi Epurojekit lo Awadik (Writing Project) kanu apopulai nu iyemuto, lo kwapekwana elosi ingaren.

Kwape iyatatar ainingonoreta nu ationor, mam lem sek aiswec epeget lo emwana lo aomisio ka lo etakanutor ko Uganda! Erai alosikinet kosi aisingaren airereoreta k’abwoeta nu epedorere aitolomun aingic na ibecokino ka ipegeta lu epukoro kotoma ateker wok.

 Eticaun Federalism

Erai eipugae loka Federalism eipone ediopet loka eipugae kotoma akwap wok ne ti epedoriata adoketa aarei nu apugan ayait akwap adiopet ka itunga lu akwap kangin. Erai eomomoe lo atukot naka eipugae na isimorikikit apeleikineta nu aigitakin atutubeta ikiala ka amamus aigit ikiala da k’aimor apedorosio nuka eitunganane.

Kotoma oipugae loka Federalism, epote arino apalikin epederesio kec acie nuka eipugae nejai apugan na otoma, do asalakin esesenete nes aswam kanu ajokisio na itunga ke kere.

Erai apeleikinet ka eipugae loka Federalism ainyakakin itunga idiopediope luko Uganda eipugae k’apedorosio kotoma akwap kec . Apeleikinet ke nakos nes aisimorikikin atenieik ke nu okwap nu egelegela kopone lo aisimonikin eipud kec lo egelegela ka aipuwesi kotoma onabai lu atekeresinei (diversity) kotoma oyaitone lo otoma ka awanyun ebe ejaasi kesi kere kede eporoto kotoma aitolot akirokec.

Erai eipugae loka Federalism kanu aiyatakin apolou ka agogong toma apugan na otoma. Erai kanu aimor eipugae kiding apugan na otoma ka apuganasinei nu arino kotoma oyaitone lo itetet kotoma akwap wok .

Kasianut na epol, ilipitai ijo aimorikikiin kede isio kotoma alosikineta kanu ko FedsNet@yahoogroups.com.   Erai na abwoetait na kanu iboro lu ikamutosi eipugae ko Uganda.

Contacts:

M.s Christine Nabukeera, B.A. Ed., M.S.W., Chair

F.N. Lugemwa, PhD, Deputy

Website:  http://www.federo.com          E.mail:   Advocacy@federo.com