Lok pi Loc Federalism iUganda

Wan anga gi?

Jo ma tye ka lok ma tek ikare ni pi loc Federalism obedo dul mo ma pe jenge ikom gamente dok pe cwako ngat mo. Tice tye pi telo wi yub dok ilo rwom me tam ma nyen ma obikonyo lwak me Uganda kati ki tam ma ber. Tica wa bene tye me ilo rwom me nyamo lok ma pire tek iUganda obed ma lamal. Man time kun nongo ki keto cwiny ikom jami ma pir gi tego pi ilo rwom me dongo lonyo me lobo, ilo rwom me kwo pa lwak kacel ki loc alwak maber.

I te yub me loc Federalism, dano ducu bedo ki twero ikom lok me loc lobo. Wa tye ki gen ni ka dano ducu oguru cing gi iloc, weko dongo lobo woto kit ma dano mito, gamente nongo tam ki bot lutedero ilok kom loc ento pe me cwalo yub ki malo ikom lwak .Wa tye ka tito ni yub me Federalism pe obibalo lonyo me lobo pien obi weko dwon lwak winye, dok twero gi ki woro.

Man te loke ni Federalism obed me yubu loc marac ma tye igamente. Man bene nyutu atir ni Uganda opoke iye ma dwong ma Federalism aye twero roco ne.

 Ngo ma romo Time

Ki tyeko cwalo lok bot jo ma tye ka cwako Federalism me nyutu ber ne ki kit ma obi tiyo kwede:

"Tic dwong oloyo kom gamente ma dit woko."

Wan wa tye ka cwako yub me Federalism pien obikelo aloka loka manyen ikit me lonyo lobo, loc, ki kot pi tyen lok me ribo dano ma ilobo wa. Yub man obijingo dano ducu ma iUganda me bedo ki rwom ma lamal ikit me tic mo keken. Kit ma wa neno kwede ikare ma okato angec, ki dok gin ma obi time ii anyim, yub me loc obibedo ma tek ki gamente pien kaka dwong ilobo wa.

Wa tito ki lwak ni omyero ki ket gamente ma tino tino ikabedo ducu pien loyo kabedo ma ongweke ma tinotino iUganda dong tye ka doko tek. Man aye kit ma wa kati kwede ki yub me loyo lwak me Uganda. Gin ma pire tek aye omyero pe ki bwol lwak ni ribe tye ento omyero ki ket yub me ribe obed ma nen.

Ka wa loko ni ki ket alokaloka ijami calo kot, polici, pirijon wa mito dongo rwom me loc maber dok ite cik - loc ma ber ma woro jo ma peke ki twero ki jo ma peke ki kero. Wa tye ki tam bene ni dano ducu bibedo ki kare me tic ki jami ducu ma pir gi teko calo otyat, gudi, pii maleng ki mukene pien kit yub me loc man tero jami magi cok ki lwak.

 Ngo ma wan wa timo.      

Nongo ngec ki miyo ngec

Nongo ngec ma dit ma watimo aye me ngino gamente wa ma ikare ni. Tute pa Uganda me medo rwom me dongo lonyo me lobo ki kwo pa lwak myero ocung ikom gamente ma tiyo ki loc alwak dok ma lwak nongo tye iye ki dwon. Tic wa ocung ikom jami meno ma pir gi tek ni kun bene ocung ikom lapeny ni: 

"Kit gamente ango ma mite wek obed ki yub ma ber ikare ma nongo dongo lobo ki kwo pa lwak tye ka bale tere tere iUganda?"

Jo ma okelo tam man bene gucwalo yub me pwonyo lwak kacel ki yub man me coyo lok me pwony bot lwak igazeti.

Kit ma peko tye ka nen mede ameda ni, nyamo lok ikin lwak mite. Tic wa mukene tye me ilo rwom me tam maber ma nonge ikom leyo tam ki kwedo ko lok.

Ngo ma Federalism.

Obedo yub me loc onyo tela ma bedo ki gamente aryo ento tye ki loc ikom lobo acel ki lwake. Obedo gin ma ki lwongo ni philosophy pi kit dul pa gamente ma ribo kacel gamente madit ki gamente ma tino dok bene giribo loc.

I te yub me loc man, gamente ma tino miyo but twero gi bot gamente ma dit, dok gamente aryo weng winye pi tic me ber bedo gi.

Federalism tye pi miyo twero bot lutedero. Tam pa yub me tic ki kit loc man tye pi ribo kin dul ma papat, mino gin ma jo ma ikabedo meno mito pi miti gi ma gwok gamente madit pe mito, dok me neno ni jo ducu tye ki twero ikit yub me loc ikabedo gi.

Federalism weko ki miyo woro ki gen ikom gamente madit. Obedo yub me ribo loc ikin gamente ma tidi ki ma dit ikit me loc ma nyen.

Kit me nongo wa:

Ms. Christine Nakubera, B.A.Ed., M.S.W., Chair

F.N. Lugemwa, PhD, Deputy

Join US @ FedsNet@yahoogroups.com. Ngec man tye pi lok kom loc iUganda keken.