Make your own free website on Tripod.com

 

 

Abarikurwanirira enkora ya Federo omu Uganda

Nitwe baahi?

 

Abarikurwanirira Federo omu Uganda yoona ahabwa boona n'ekitongore ekyemereireho ahabwakyo kandi tikirikubaganisamu omu muringo gwona ahabwabo abaine ekigyendererwa kimwe. Ekigyendererwa ky'ekitongore eki n'okurwanirira hamwe hamwe n'okwebembeza ebitekateeko bitsya ebirayambe abanya Uganda kweshariramu ebibashemereire. Okucondooza kwaitu oku turikukora n'okwokwimusya omutindo gw'okuhajana aha nshonga zitari zimwe na zimwe ezirikukata aha banya Uganda boona namunonga ezo ezirareteho entunguuka embera nungi hamwe n'obutegyeki burungi.

 

Omu nkora nari shi omu ntegyeka ya Federo, nitwenda ngu buriomwe ayenyigire omu omu bwebembei oburikwegama aha nyomyo ya Dimokurasi egumire. Nituhamya kandi nitwikiririza omu nkora ya buriomwe kwenyigira omu by'entuguuka ebirikwetengwa buriwe kandi erikutandikira aha muntu owa buriijo kuza ahaiguru kutari kuruga ahaiguru kuza ahansi aha muntu wa buriijo. Nituhamya ngu enkora ya federo neza kukyendeeza aha kukwata ijaga eby'obugaiga bwa Uganda; haza ebitariho omu bwingi ahabw'okuba eiraka ry'abantu nirihurirwa kandi baine n'obugabe bw'okuhajana aha nshonga zitari zimwe ezirikubakwataho.

 

Nahabwekyo enkora ya federo neeza kuyamba kuboneza entegyeka embi kandi ebe enkora y'omurembe ahabwa Uganda.

 

Obuzibu obu tworekyereire

 

Abo boona abarikwenda enkora ya federo baine omurimo muhango kworeka kwo buzima ngu n'ebaasa kukora kandi neyetengyesa omu Uganda. Abandi nibabuuza ahabwaki baitu edero neyetengyesa? Emwe aha nshonga ni::

 

"Rwagati teki tuuhikanisa".

 

Nitwenda entegyeka ya federo ahabw'okuba n'eza kuha abanya Uganda omugisha gw'okutereeza entatsya yaabo, eby'obutegyeki nibiza kubonera kandi  ebitongore ebikwatiraine n'amateeka nari eby'oburamuzi nabyo nibiza kubonera ahabw'okwenda kuhikanisa abanya Uganda boona.

Enkora ya federo n'eza kuhamya kandi eimutsye omuhimbo gwaUganda kuhereza abantu BOONA kurungi. Entekateeka yaitu eri ngu ebyakozirwe enyima n'obwahati tibirabasize kumaraho ebizibu byaitu ebirikweshumba aha nganda nari kubaasa kumaraho ebizibu by'eby'obutegyeki ebiri omu ihanga.

 

Nitwenda ngu itwe twenka twerebererere eby'obwebembezi bwaitu bwa butoosha omu bichweka biikye bikye ahabw'okuba twine obuzibu bwingi kukora buri kimwe omu ntegyeka eya rwagati. Egi n'empindahinduka kahigura mahega omu by'entegyeka yaitu. Ekikuru munonga eki turikugamba nitugira ngu omu bwire bw'okwebeiha ngu twine obumwe, ninshaba ngu tutenseze hamwe buzima kureeba ngu twatekateeka aha bumwe obwo haza tubutungye. Egi niyo ntandikiriro yaitu omu kuronda orumuri rw'okutumurikira nari shi ekyererezi ekirikwakira kimwe kukira nahu turikureeba.

 

Twagamba aha kuhindura nari kuboneza omu bitongore byaitu nk'eky'oburamuzi, poriisi n'ebihome, twine amatsiko ngu nituza kutaho omusingye ahu ebiragiro birikukora haza bite ekitinisa omu muntu wa buriijo otarikwebaasa kandi n'okureeba ngu ebiragiro byakora gye birikukuratirwa. Twine amatsiko ngu omuntu wa buriijo naza kuhikibwa obuhereza bwa butoosha kandi buri obw'omutindo gwahaiguru ahabw'okuba obuhereza obu nibuza kuba bumuhikiibwe haihi.

 

Ebi turikukora

 

Okucondooza hamwe n'okutwebuzaho

 

Ekintu kikuru munonga omu okucondooza n'eky'okushwijuma obuzibu obu turi omumaisho kandi obu twine kubugana ahabw'entegyeka eriho obwahati. Omuhimbo ogu Uganda eine kwimusya n'okuboneza omu by'entatsya hamwe n'okwimutsya embera y'omuntu wa buriijo neyegama aha musingye murungi gwa Dimokurasi oguri omu bitongore kandi n'okureeba ngu abantu boona bayenyigira omu by'obutegyeki. Emirimo yaitu eyegami aha bintu ebi ebikuru munonga omuri ebiragiro birungi obwo birikwebuuza ekibuuzo eki; "Eby'obutegyeki byaitu bishemereire kuba biri bita kubaasa kusharamu nari shi kurondamu entegyeka enungi namunonga omu biro ebi ahu embera y'omuntu wa buriijo eri mbi kandi n'eby'obushuubuzi n'entasya bitari kurungi omu banya Uganda baingi?

 

Abarwanirizi bakozire omurimo gw'amaani omuri okushashurira emishomo etari emwe n'emwe omuri okwegyesa abantu n'okubamanyisa otebirwe okushohoza ebihandiiko nk'ebi.

 

Obwo obuzibu obu tworekyereire burikweyongyera kuba buhango, obu nibwo bwire bwonyini ahu tushemereire kuba nituhajana aha bintu bingi kandi turikuhanuuza aha bitekateeko bitari bimwe na bimwe. Ekigyendererwa kyaitu n'okureeba ngu twayamba buriomwe yaranzya hare kandi yatekateeka naha biro by'omumaisho n'eby'enyima ebiine kihango omu kucondooza oku turikukora kandi n'okureeba ngu twatandika kubihajanaho.

 

Nyabura twegeiteho aha mbeho za kompyuta orikureeta ebitekateeko n'ebitenso byaawe ahari: FedsNet@yahoogroups.com.  Embeho za kompyuta ezi, ekigyendererwa kikuru n'okutensa nari kuha ebitekateeko aha nshonga ezikwatiraine n'ebyobutegyeki omu Uganda byonka.

 

Federo n'enkora y'eby'obutegyeki erikubuga eihanga ryoona haza obwo hariho amadaara abiri agarikutegyeka n'okureberera ekichweka kimwe hamwe n'abaturaagye. Eki n'enkora nari shi n'entekateeka y'eby'obutegyeki erikugaita ebigyendererwa by'obutegyeki bwa rwagati, obutari bwa rwagati hamwe n'okubagana obukuru nari obwebebembezi.

Omu nkora ya Federo, ebichweka nibihayo kakye aha bukuru bwabyo omu gavumenti ya rwagati obwo baine obwesigye ngu gavumenti ya rwagati n'eza kukozesa obukuru obwo ahabw'oburungi bwa buriomwe.

 

Enkora ya Federo neyokuha omuntu wa buriijo obugabe bwe n'okukora eki arikwenda. Ekigyendererwa kikuru kya Federo n'okugaita nari shi kunywanisa ebichweka bitari bimwe na bimwe haza obwo buri kichweka kirikwetoraniramu enkora yakyo kandi n'okuhereza gavumenti ya rwagati enkora zitari zimwe ezirimu ebirungo ebirikuboneza kandi kirikuhereza abantu boona obugabe kukora eki barikukunda batarikuteerwa aha mukono.

 

Enkora ya federo eriho ahabw'okuheeza gavumenti ya rwagati amaani n'omugasho. Enkora egi n'eyokubagana obwebembezi n'obukuru ahagati ya Gavumenti ya rwagati hamwe na Gavumenti z'ebyanga omu ihanga ry'omurembe.

 

Abokuhikirira:

Ms. Christine Nabukeera, B.A Ed. M.S.W., Mukuru w'entebe

 F.N Lugemwa, PhD, Omuhwezi we

Website: http://www.federo.com

E-mail:    Advocacy@federo.com